Bakı. Trend:
Argentinanın ən böyük aviaşirkəti "Aerolineas Argentinas" mayın 29-u planlaşdırılan bütün reysləri ləğv edib.
Trend-in "TASS"a istinadən verdiyi məlumata görə, bu barədə aviaşirkətin yaydığı bəyanatda deyilir.
Aviaşirkət bildirir ki, reyslərin təxirə salınmasına səbəb "Əməyin Ümumi Konfederasiyası"nın 24 saatlıq tətili olub: "Aerolineas Argentinas" öz sərnişinlərinə mayın 29-u olan bütün uçuşları ləğv etmək məcburiyyətində qaldığını bildirir. Bu addım 330 reys və 37 mindən artıq sərnişinə toxunacaq".
Aviaşirkətin sözlərinə görə, artıq 75 faizdən artıq sərnişin üçün yeni uçuş tarixi təyin edilib.