Bakı. Trend:
Hazırda "gov.az" domen zonasında dövlət qurumlarına aid 730 domen və 1310 subdomen var.
Trend-in məlumatına görə, bunu Xüsusi Rabitə və İnformasiya Təhlükəsizliyi Dövlət Xidmətinin (XRİTDX) idarə rəisi Tural Məmmədov bu gün jurnalistlərə açıqlamasında deyib.
T.Məmmədovun sözlərinə görə, hakerlər "gov.az" domeninə oxşar saxta domenlər hazırlayıb:
"Qeyd etdiyim 730 domen adına bağlı informasiya ehtiyatlarının 540-ı hazırda XRİTDX data mərkəzində ödənişsiz olaraq saxlanılmaqdadır.
Bu vaxta qədər "gov.az" domeninin 40-a qədər oxşarını hazırlayıblar və biz onun bloklanmasını həyata keçirmişik".