Azərbaycan, Bakı, 30 yanvar/ Trend , müxbir İ.Xəlilova/ Azərbaycanın İqtisadi İnkişaf Nazirliyi Azərbaycan hökumətinin Ümumdünya Ticarət Təşkilatının (ÜTT) işçi qrupu ilə danışıqlarının V raundunun martın əvvəlində Cenevrədə keçirilməsini gözləyir. Bu barədə iqtisadi inkişaf nazirinin müavini Mikayıl Cabbarov məlumat verib.
"Azərbaycan ticarət tərəfdaşlarının soruşduqları bir sıra məsələlər üzrə məlumat təqdim edib. Danışıqlar vaxtının təyin edilməsi, əsasən, tariflər üzrə təkliflər - ÜTT-yə üzv ölkələrin tələb etdiyi bazara çıxış şərtlərinə görə gecikib", - Cabbarov qeyd edib.
Onun rəyinə görə, bu, hazırlıqla bağlı gecikmələrə səbəb olan texniki işdir. Bundan əlavə, yeni qanunverici layihələr hazırlanıb, Nazirlər Kabinetinin müəyyən qərarları, "Valyuta tənzimləməsi haqqında" və s. kimi bir sıra normativ-hüquqi aktlar qəbul edilib.
"Bütün bu faktorların yekununda biz yaxın vaxtlarda danışıqların növbəti raundunun vaxtının təyin edilməsini gözləyirik. Lakin çox ehtimal ki, bu, martda olacaq", - nazir müavini dəqiqləşdirib.
"Biz ÜTT-nin üzvlüyünə möhkəm addımlarla, lakin tələsmədən və öz ölkəmizin maraqlarında güzəştə getmədən irəliləyirik", - iqtisadi inkişaf naziri Heydər Babayev bildirib.
Dövlət Gömrük Komitəsinin rəhbəri Aydın Əliyev hazırki hazırlıq templəri ilə Azərbaycanın artıq 2010-cu ildə Ümumdünya Təşkilatının üzvü olacağını hesab edir.
Hökumət Azərbaycanın ÜTT-yə təşkilatın bəzi üzvlərinin razılaşmadığı, inkişafda olan ölkə kimi qəbul edilmədiyi halda, dövlətin mövqeyi ilə müəyyənləşmək niyyətindədir.
Danışıqlar qrupu Azərbaycanın maraqlarını ÜTT-nin ABŞ və Aİ kimi üzvləri qarşısında müdafiə etməlidir. Avropa İttifaqı dünyada kənd təsərrüfatının ən iri ixracatçılarından biri kimi, Azərbaycanın təklif etdiyi dərəcələri azaltmağı təklif edir. Bəzi məhsullar üzrə onları sıfradək azaltmaq da təklif edilir. Bu gün son sənaye məhsuluna 15, xammala isə 0-0,5 faiz idxal gömrük dərəcəsi tətbiq olunur.
