Azərbaycan, Bakı, 11 mart/ Trend , müxbir İ.Xəlilova/ Dünya Bankı və Azərbaycan hökuməti arasında martın 3-dən Bakıda keçirilən danışıqların yekunu üzrə Azərbaycanın bank sistemində islahatlarla bağlı üçüncü layihənin dəyəri $49 mln. səviyyəsində müəyyən edilib. Bu barədə çərşənbə axşamı DB-nin Bakı nümayəndəliyindən məlumat veriblər.
Bankın kreditinin məbləği dəyişməz qalıb -$25 mln.. Bu məbləğ Beynəlxalq İnkişaf Assosiasiyası xətti üzrə (10 ili güzəştli olmaqla, 35 il müddətinə və illik 0,75 faiz dərəcə ilə) ayrılacaq. Layihənin dəyərinin qalan hissəsi Azərbaycan hökumətinin iştirak payı və YUNİCEF-in qrantı hesabına ödəniləcək.
Danışıqlar üçün, təhsil üzrə baş mütəxəssisi Xuan Manuel Morenonun başçılığı ilə Bankın missiyası Bakıya gəlmişdi.
Layihə orta, məktəbəqədər təhsil və texniki-peşə təhsili sahəsində islahatları əhatə edəcək.
Bankın nümayəndəliyindən qeyd etdikləri kimi, bu, Azərbaycanda təhsil sistemində islahatlar üçün sonuncu güzəştli kredit olacaq. 2008-ci maliyyə ilində güzəştli maliyyələşdirmə kvotasının başa çatması ilə əlaqədar olaraq, ali təhsil sahəsində islahatların təkmilləşdirilməsi üçün kredit yalnız Beynəlxalq Yenidənqurma və İnkişaf Bankının şərtləri ilə verilə bilər. Bu istiqamətdə ayrıca layihə hazırlanır.
Təhsil sisteminin inkişafı üzrə hazırda fəaliyyət göstərən layihə bu sahədə 1999-cu ildən mövcud olan təhsildə islahatlar proqramına əsaslanan sektoral islahatlara yönəlib. Proqramın məqsədi - təhsil sisteminin keyfiyyətinin artırılması və ümumilikdə sektorun kökündən dəyişdirilməsidir. Layihənin ümumi dəyəri $20,99 mln. qiymətləndirilir. Bunun $18 mln. DB-nin kreditinin payına düşür. O, Bankın Direktorlar Şurasında 2003-cü il mayın 27-də təsdiqlənib. Layihənin 2008-ci il martın 31-dək bağlanması nəzərdə tutulub.
1999-cu ildə bank tərəfindən $5 mln. məbləğində birinci kredit ayrılıb.
Məqalə müəllifinin ünvanı: [email protected]
