Azərbaycan, Bakı, 23 aprel / Trend , müxbir U.İsmayılova/ Azərbaycan və Türkiyənin 1995-ci ildən fəaliyyət göstərən sosial müdafiə üzrə daimi hökumət komissiyası çərşənbə günü Bakıda qarşılıqlı əməkdaşlığa dair protokola üç əlavə bənd tətbiq edib. Bəndlər protokola komissiyanın beşinci birgə iclasında əlavə edilib.
Tərəflər əməkdaşlığı bu bəndlər üzrə genişləndiriblər:
- Texniki peşə təhsili sahəsində dünya standartlarının tətbiq edilmə prosesinin gücləndirilməsi,
- Azərbaycan və Türkiyə arasında hər iki ölkənn biznesmenləri üçün əlverişli şəraitin yaradılmasını nəzərdə tutan əmək miqrasiyası məsələsi,
- uşaq əməyinin istismarı məsələsi.
Komissiyanın iclasının yekununda protokol imzalanıb.
