Azərbaycan, Bakı, 22 avqust / Trend , müxbir İ.Xəlilova/ Bir saylı Bakı İqtisad Məhkəməsinin qərarı ilə "Poctbank" səhmdar-investisiya bankı müflis elan edilib, bununla əlaqədar bankrotluq prosesinə başlanıb. Akif Eminov bankın ləğvedəni təyin olunub.
Eminovun cümə günü bildirdiyinə görə, Azərbaycan Milli Bankının iddiası və onun İdarə Heyətinin 2008-ci il 10 iyul tarixində bankın lisenziyasının geri alınması barədə qərarı əsasında "Poctbank", 2004-cü ilin əvvəlindən əməliyyatlar həyata keçirməməsinə baxmayaraq, bankrot elan olunub. Məhkəmə həmçinin 2003-cü il avqustun 1-nə olan vəziyyətə görə bankın debitor və kredit borclanmasını təsdiq edib.
"Bankrotluq prosedurunun yekunlaşma müddətini demək mümkün deyil, belə ki, bu, əsasən bankın debitor və kredit borclanmasının nizamlanması üzrə işlərdən asılıdır", - deyə Eminov bildirib.
"Poctbank"ın 1992-ci il 3 dekabr tarixli lisenziyası bank qanunvericiliyinin pozulması və ödəmə qabiliyyətinin tam olaraq itirilməsi səbəbindən ləğv edilib. "Poctbank"ın bir neçə il ərzində bank fəaliyyəti göstərməsinə baxmayaraq, lisenziyanın ləğvi ilə bağlı gecikmələr Azərbaycan bankının iştirak etdiyi Malta "FİM Bank"ının işi üzrə beynəlxalq məhkəmə prosesi ilə əlaqədar olub.
"Poctbank"ın səhmlərin 20 faizi "FİM Bank"ın əsas təsisçisi olan Küveytin "Kuwati İnterests for Financial İnvestment" (KİFİ) şirkətinə məxsusdur və bu şirkətin rəhbəri həmçinin "FİM Bank"ın rəhbəri olub. Böyük borclanma ilə əlaqədar "Poctbank" Azərbaycan hökuməti adından təqdim olunan müəyyən sənədlər əsasında "FİM Bank"dan vəsait götürüb. Bununla yanaşı, "Poctbank" Azərbaycan Rabitə və İnformasiya Texnologiyaları Nazirliyinə məxsus olan "Aztell" və "Baktell" şirkətləri (Əslində bu şirkətlər mövcud deyil) üçün kredit vəsaitləri hesabına telekummunikasiya avadanlıqlarının alındığı göstərilən saxta sənədlər təqdim edib.
"Poctbank" saxta sənədlər əsasında əldə etdiyi kredit vəsaitlərini qaytara bilməyib və iki bank arsında maliyyə əməliyyatları dayandırılıb. Nəticədə "FİM Bank" Rotterdam dairə məhkəməsinə Azərbaycan hökumətinə qarşı iddia irəli sürüb. Bu proses hələ də davam edir.
Məqalə müəllifi ilə əlaqə ünvanı - [email protected]
