Azərbaycan, Bakı, 28 noyabr / Trend / Dünya Bankı ilə müştərək realizə olunan "Kənd təsərrüfatının inkişafı və kreditləşməsi" ikinci layihəsi çərçivəsində, "Müsabiqə qrantları" Proqramının ikinci mərhələsi üzrə 20 - dən artıq lahiyə ən yaxşı qismində seçilib, - cümə günü Kənd Təsərrüfatı Nazirliyindən deyiblər.
"26 layihə qalib gəlib və onlardan 15 - i işlərin icrası üçün ilkin tranş alıb, qalanları isə, onu yaxın günlərdə alacaqlar", - nazirlikdən bildiriblər.
Bu layihələr Naxçıvan, Şəki, Zaqatala, Lənkəran, Astara, Qazax, Beyləqan rayonlarında məhsulun keyfiyyətinin və məhsul standartlarının yaxşılaşdırılması, kənd təsərrüfatı məhsullarının saxlanılması və işlənilməsi, məhsul yığımından sonra itkilərin azaldılması, məhsulun qablaşdırılması, bines idarəetməsi və ən yaxşı biznes - təcrübə və s. sahələrini əhatə edir.
Hər layihənin orta maliyyələşmə dəyəri 20 -25 min dollardır. Hər bir layihənin realizəsi- altı aydan bir ilədəkdir.
Kənd Təsərrüfatı Nazirliyindən söyləyiblər ki, müsabiqənin üçüncü mərhələsi dekabrın sonunda elan olunacaq.
