Azərbaycan, Bakı, 20 may / Trend /
Belarus müəssisələri 15-ci "Qida sənayesi" Azərbaycan beynəlxalq sərgisi və "Kənd təsərrüfatı" 3-cü Azərbaycan beynəlxalq sərgisində iştirak edəcək. Sərgilər 25-27 may ərəfəsində Bakıda keçiriləcək. Bu barədə Belarusun Azərbaycandakı səfirliyinin məlumatında deyilib.
Sərgidə 8 Belarus müəssəsi iştirak edəcək: "Qırmızı qidaçı" qənnadı müəssisəsi, "Akvadiv", "Minsk Kristal", "Belalko" likör-araq zavodları, süd məhsulları və uşaq qidası istehsalçısı "Bellakt", "Roqaçevski" süd-konserv kombinatı və "Babruyski" traktor hissələri zavodu.
Bundan əlavə, sərgilərin keçirildiyi müddətdə əməkdaşlıqla bağlı danışıqlar aparmaq üçün "Bobruyskaqromarş", "Bobruyskselmaş", "Yelizovo" şüşə zavodı və "Promaqrolizinq" Belarus müəssisələrinin rəhbər və mütəxəssisləri Azərbaycana təşrif buyuracaq.
Bu il Belarus sərgidə qida məhsullarından və aqrar sənaye kompleksi üçün maşınqayırma məhsullarından ibarət ekspozisiya təqdim edəcək.
"Belarus müəssisələri Azərbaycan istehlakçıları tərəfindən artıq bəyənilmiş "Savuşkin produkt", "Spartak", "Kommunarka", "Roqaçevskaya squşonka" və "Belarus" traktoru məhsulları assortimentini ənənəvi Belarus keyfiyyətinin yeni malları ilə sevinclə artırmağa hazırdırlar", - məlumatda qeyd edilib.
Belarus şirkətləri Azərbaycan istehlakçılarına təbii süd və ət məhsulları, qənnadı məmulatları, dəniz məhsulları, qənd, maya, likor-araq məhsulları, eləcə də aqrar sənaye kompleksi üçün sənaye malları (traktor, kombayn, gübrə və s.) təqdim edir.
Belarus və Azərbaycan arasında olan mal dövriyyəsi 2008-ci ildə 94,8 milyon dollar təşkil edib.