Azərbaycan, Bakı, 31 avqust / Trend , müxbir Ü.İsmayılova /
Azərbaycan Parlamentinin Sosial siyasət daimi komissiyası "Sosial xidmətlər haqqında", "İstehsalatda xəsarət almış insanların sosial müdafiəsi haqqında" qanun layihələrini yenidən işləmək niyyətindədir. Bu barədə Yeni Azərbaycan Partiyasının rəsmi saytına müsahibəsində komissiya sədri Hadı Rəcəbli deyib.
"Parlament komitəsi həmçinin reproduktiv sağlamlıq haqqında qanuna ciddi dəyişikliklər hazırlayır", - Rəcəbli deyib.
Onun sözlərinə görə, payız sessiyası zamanı əsasən 2010-cu ilin dövlət büdcəsinin müzakirə ediləcəyinə baxmayaraq, gündəliyə sosial sahədə bir sıra qanun layihələri də daxil ediləcək.
Rəcəblinin sözlərinə görə, hazırda Azərbaycanda qanunların işlənməsində yeni dövr başlayıb, hətta bəzi qüvvədə olan qanunlar da yenilənəcək.
Sosial siyasət daimi komissiyası ölkənin Əmək Məcəlləsinə 53 dəyişiklik hazırlayıb. Məcəllənin qəbul edilməsindən keçən 10 il ərzində ona artıq 51 dəyişiklik edilib.
Bütün bu dəyişikliklər işçilərin hüquqlarının müdafiəsinə, bir neçəsi isə işəgötürənlərin hüquqlarının müdafiəsinə aid olub.
Məqalə müəllifi ilə əlaqə ünvanı: [email protected]
