Azərbaycan, Bakı, 12 sentyabr / Trend , müxbir Ü.İsmayılova /
Azərbaycanın Sığortaçılar Assosiasiyasının (ASA) İdarə Heyətinin yeni sədrinin seçiləcəyi növbəti ümumi iclası sentyabrın sonuna planlaşdırılır. Bu barədə şənbə günü ASA-nın icraçı direktoru Qafar Məcidov bildirib. Hazırda bu vəzifəni MBASK sığorta şirkətinin İdarə Heyətinin sədri Cəmil Məlikov icra edir.
Assosiasiyanın yeni rəhbəri vəzifəsinə "Atəşgah" sığorta şirkətinin İdarə Heyətinin sədri Azər Əliyevin namizədliyi irəli sürülüb.
Məcidov bildirib ki, bu günlərdə ASA-nın Müşahidə Şurasının iclasının keçirilməsi gözlənilir. İclasda assosiasiyanın gələcək illər üçün strateji planı müzakirə ediləcək.
Assosiasiyanın gələcək sədri, "Atəşgah" sığorta şirkətinin rəhbərinin sözlərinə əsasən, yeni strateji plan, 2009-cu ildə fəaliyyət planı, həmçinin qlobal maliyyə böhranının nəticələrinin nəzərə alınması işlənib hazırlanacaq.
"ASA II Azərbaycan Beynəlxalq Sığorta Forumunun keçirilməsi müddətini müəyyən etməyib. Forumun keçirilməsi bu ilə planlaşdırılmışdı, lakin müəyyən olunmayan vaxta keçirilib", - Əliyev bildirib.
Ötən ilin iyul ayında Bakıda Maliyyə Nazirliyinin dəstəyi ilə assosiasiyanın təşkilatçılığı ilə I Azərbaycan Beynəlxalq Sığorta Forumu keçirilmişdi. Forum Azərbaycanın sığorta bazarının inkişaf tendensiyaları, Avropa ölkələrinin sığorta bazarının təcrübəsinin ölkənin sığorta sektoruna təsiri, sığorta həyatının inkişafı, sığorta bazarının ölkənin maliyyə sistemi kimi təhlili və sığortada korporativ idarəetmə məsələlərinə həsr edilmişdi.
Azərbaycanın Sığortaçılar Assosiasiyası 2006-cı ilin dekabr ayında təsis edilib. Assosiasiyanın Müşahidə Şurasının tərkibinə beş sığorta şirkəti (MBASK, Standard Insurance, Beynəlxalq Sığorta Şirkəti, Azersigorta, Ateshgah) daxildir. Müşahidə Şurasının beş üzvündən hər biri nizamnaməyə əsasən ardıcıl şəkildə bir il müddətinə assosiasiyaya sədrlik edir.
Azərbaycanda 28 sığorta və bir təkrarsığorta şirkəti fəaliyyət göstərir, onların hər biri ASA-nın üzvləridir.
Məqalə müəllifi ilə əlaqə ünvanı: [email protected]
