...

Dünya Bankı Azərbaycanda üçüncü magistral layihənin icmalını keçirir

Biznes və iqtisadiyyat xəbərləri Materials 2 Avqust 2010 20:51 (UTC +04:00)

Azərbaycan, Bakı, 2 avqust /Trend, müxbir N.İsmayılova/

Bazar ertəsi layihə rəhbəri Jak Bürenin başçılıq etdiyi Dünya Bankının (DB) missiyası Bakı-Şamaxı-Muğan avtomobil yolunun ikizolaqlıdan dördzolaqlıya genişləndirilməsi üzrə üçüncü magistral layihənin icmalına başlayıb. Bu barədə bazar ertəsi bankın Bakı nümayəndəliyindən bildiriblər.

İcmal xarakteri daşıyan bankın üçgünlük missiyası cümə axşamınadək davam edəcək. Tikinti işlərinin aparılması üçün artıq baş podratçı qismində İtaliyanın "Todini Costruzioni Generali S.P.A" şirkəti seçilib.

Bakı-Şamaxı-Muğan yolunun uzunluğu 124 kilometrdir. Bank layihənin maliyyələşdirilməsinə qarışıq kredit şəklində 241,6 milyon dollar ayırıb ki, bunun da 70 milyon dolları Azərbaycan üçün 2010-cu maliyyə ilinə Beynəlxalq İnkişaf Assoasiasiyası sayəsində güzəştli şərtlər əsasında nəzərdə tutulub. 171,6 milyon dollar Beynəlxaq Yenidənqurma və İnkişaf Bankının xətti ilə ayrılacaq. Qalan vəsaitlər isə layihədə dövlətin iştirak payına düşür. Layihənin ümumi dəyəri 356,15 milyon dollar təşkil edir.

Layihənin məsləhətçisi qismində "Finroad" şirkəti çıxış edir.

Bakı-Şamaxı-Muğan yolu Bakını respublikanın qərb rayonları ilə birləşdirəcək.

Layihənin başlıca məqsədi nəqliyyat xərclərinin azaldılması, daxilolma və tranzitin artırılması, Azərbaycanın "Şərq-Qərb" nəqliyyat dəhlizi ilə keçmək üçün yol təhlükəsizliyinin təmin edilməsindən ibarətdir.

Bu yol layihəsi DB-nin Direktorlar Şurasının 17 yanvar 2006-cı il tarixində keçirilən iclasında təsdiq olunub. Kredit resursları Beynəlxaq Yenidənqurma və İnkişaf Bankının şərtləri əsasında dörd il güzəştli dövr olmaqla 20 il müddətinə və libor+0,5 faiz dərəcəsi ilə veriləcək. Lakin Beynəlxaq İnkişaf Assosiasiyasının xətti ilə maliyyələşdirmə 10 il ərzində güzəştli şərtlərlə 35 il müddətinə və illik 0,75 faiz dərəcəsi ilə verilib.

Xəbər lenti

Xəbər lenti