Azərbaycan, Bakı, 15 oktyabr /Trend, müxbir А.Yusifzadə/
İranın kənd təsərrüfatı sənayesi və heyvandarlıq məhsulları ehtiyatları yaxın günlərdə 1,08 milyon manat təşkil edəcək. Bu barədə İran İslam Respublikasının kənd təsərrüfatı nazirinin müavini Səadətullah Abasi deyib. Məlumatı cümə günü ILNA agentliyi yayıb.
"Nəzərdə tutulmuş ehtiyatlara 30 min ton toyuq əti, 50 min ton mal əti, 600 min ton qarğıdalı, 400 min ton arpa daxil olmalıdır", - Abasi deyib. Onun sözlərinə görə, İrana qarşı sanksiya tətbiq edilməsi və dövlət maddi yardım proqramının həyata keçirilməsi ilə bağlı İranın kənd təsərrüfatı sənayesi və heyvandarlıq məhsulları ehtiyatları 1,2 milyon ton təşkil etməlidir.
"Müvafiq nazirliklər kənd təsərrüfatı sənayesi və heyvandarlıq məhsullarının saxlanmasına cəlb olunub, lazım olarsa, onların idxalı da həyata keçirilə bilər", - Abasi deyib.
Nazir müavininin sözlərinə görə, son aylarda İranın ərzaq malları bazarı adekvat ərzaq məhsullarının çatışmazlığı dövrünü yaşayır. İran hökumətinin prioritet məsələlərindən biri ərzaq təhlükəsizliyinin təminatıdır.