Azərbaycan, Bakı, 15 yanvar /Trend, müxbir Ü.İsmayılova/
Bakıda mənzillərin 40 faizi icarəyə verilir. Bu barədə "Daşınmaz Əmlak" jurnalına müsahibəsində "Əmlak Bazarı İştirakçıları" İctimai Birliyinin icraçı direktoru Ramil Osmanov deyib.
"Hazırda Bakıda on minlərlə ailə kirayəyə verilən mənizillərdə yaşayır və bunlar əsasən, ölkə regionundan gələnlər, eləcə də paytaxta iş və ya təsil almaq üçün gələn əcnəbilərdir", - Osmanov bildirib.
Onun sözlərinə görə, Bakıda mənzil icarəsinin orta qiyməti 300-900 manat arasında dəyişir. Şəhərin birinci zonasında mənzil icarəsinin orta qiyməti 950 manat, ikinci zonada 730 manat, üçüncü zonada 330 manat təşkil edir. Mənzil icarəsinin ən yüksək qiymətləri Bakının mərkəzi küçələrində - Rəşid Behbudov və Səməd Vurğun küçələrində qeydə alınıb. Bu zonalarda mənzil icarəsinin orta məbləği 1500 manat təşkil edir. Ən aşağı qiymətlər - ayda 100 manat dördüncü, şəhərətrafı zonada qeydə alınıb.
Tədris dövründə mənzil icarəsinin qiyməti təhsil almaq üçün paytaxta gələnlərin sayəsində 10-12 faiz artır. Fevral-martda, may-iyunda, noyabr-dekabrda əks proses baş verir, belə ki, bu aylarda mənzil tələbatı azalır.
Osmanovun sözlərinə görə, qeyd etmək lazımdır ki, son il ərzində mənzil icarəsinə olan tələbat azalıb. 2009-cu illə müqayisədə 2010-cu ildə tələbat iki dəfə azalıb. Təşkilatın ekspertləri bunu işləməyə gələnlərin, eləcə də ölkə regionlarını tərk edənlərin sayının azalması ilə izah edirlər, nəticədə Bakıda mənzil icarəsinin orta qiyməti ayda 650 manat təşkil edir.
