Azərbaycan, Bakı, 1 iyun /Trend, müxbir A.Axundov/
Azərbaycanın yeganə dövlət kommersiya sığorta şirkəti "AzərSığorta" 2011-ci ildə 26 milyon manat məbləğində sığorta haqqı yığmağı planlaşdırır. Bu barədə Trend-ə şirkətin idarə heyətinin sədr müavini Aftandil Hacıyev deyib.
Azərbaycan Maliyyə Nazirliyi yandında Dövlət Sığorta Nəzarəti Xidmətinin məlumatına görə, 2010-cu ildə şirkətin sığorta haqları 10,71 milyon manat ödənişlə 24,19 milyon manat təşkil edib. Yanvar-apreldə şirkət 7,047 milyon manat məbləğində sığorta haqqı yığıb, 3,216 milyon manat ödəniş edib.
Hacıyevin sözlərinə görə, yığımların çoxu əmlak sığortasının, xüsusilə də yanğın və digər risklərdən sığortanın, məsuliyyət sığortasının, bədbəxt hadisələrdən sığortanın payına düşür.
"Biz əsasən əhali ilə işləyirik", - Hacıyev bildirib.
Hazırda şirkət sığortanın 28 növü üzrə xidmətlər göstərir. Şirkət ölkənin bütün regionlarında öz filial və nümayəndəliklərini açıb.
Sədr müavini nizamnamə kapitalının artırılmasını istisna etməyib. Hazırda o, 4 milyon manata yaxındır.
"AzərSığorta" sığorta şirkəti Sovet İttifaqı dağıldıqdan sonra 1992-ci ildə keçmiş Dövlət Sığorta İdarəsinin bazasında yaradılıb və respublikanın bütün şəhər və rayonlarında 80 sığorta agentliyinə malikdir.
İyunun 1-nə olan rəsmi məzənnə 0,7894 AZN/USD təşkil edir.