Azərbaycan, Bakı, 5 iyun / Trend, müxbir A.Axundov /
Azərbaycanın 2012-ci il üzrə dövlət büdcəsində neftin qiymət proqnozunun bir barel üçün 80 dollardan 100 dollaradək artırılması ÜDM-in əlavə 1 faiz artımına gətirib çıxaracaq. Trend-in məlumatına görə, bu barədə çərşənbə axşamı jurnalistlərə ölkənin iqtisadi inkişaf naziri Şahin Mustafayev bildirib.
Onun sözlərinə görə, hazırda hesablamalar aparılır, lakin ilkin rəqəmlərə görə, bu, ÜDM-in əlavə bir faiz artımına gətirib çıxaracaq.
"Dövlət büdcəsində neftin qiymət proqnozunun artırılması ölkəyə əlavə vəsaitlərin axınına səbəb olacaq ki, bu da qeyri-neft, tikinti sektorlarının, sahibkarlığın inkişafına təsir edəcək", - nazir deyib.