Azərbaycan, Bakı, 12 iyun /Trend, müxbir E.İsmayılov/
Bir neçə gün ərzində Bakıda 109 parkinqin tikilməsi planlaşdırılır. Trend-in məlumatına görə, bu barədə çərşənbə axşamı jurnalistlərə Nəqliyyat Nazirliyinin ictimaiyyətlə əlaqələr şöbəsinin müdiri Namiq Həsənov bildirib.
Onun sözlərinə görə, həm şəhərin mərkəzində, həm də şəhərin giriş və çıxışında müxtəlif tutumlu parkinqlərin tikintisi planlaşdırılır. Şəhərin mərkəzindəki parkinqlərin müəyyən hissəsi artıq layihələşdirilib və tikinti mərhələsindədir.
"Parkinqlərin yaradılması Bakı küçələrində tıxacların qarşısını almağa imkan verəcək", - Həsənov deyib.
Onun sözlərinə görə, parkinqlərin inşası həyata keçirilməsi 2013-cü ilədək nəzərdə tutulan layihələr çərçivəsində də planlaşdırılıb.
Paytaxt küçələrində tıxacların aradan qaldırılması ilə bağlı işlər kompleks şəkildə aparılır. Xüsusən, avtobus dayanacaqları, taksilər üçün meydançaların yaradılması ilə bağlı işlər həyata keçirilir.