Azərbaycan, Bakı, 8 noyabr /Trend/
Azərbaycan bankları 2012-ci il oktyabr ayının əvvəlinə yerli və xarici valyutada kreditlər üzrə faiz dərəcələrini azaldıblar.
Trend-in cümə axşamı Azərbaycan Mərkəzi Bankının (AMB) statistik hesabatına istinadən verdiyi məlumatına görə, Azərbaycanda oktyabrın 1-nə milli valyutada bank kreditləşməsi üzrə orta dərəcə 15,43 faiz təşkil edib. Bu göstərici 2012-ci il yanvarın 1-də 16,27 faiz, 2011-ci il oktyabrın 1-də isə 16,07 faiz olub.
Azad konvertasiya edilən valyutada bank kreditləşməsi üzrə orta dərəcə 15,53 faiz olub. Bu göstərici 2012-ci il yanvarın 1-nə 16,79 faiz, 2011-ci il oktyabrın 1-nə isə 16,34 faiz təşkil edib.
Oktyabrın əvvəlinə milli valyutada hüquqi şəxsin bank kreditləşməsi üzrə orta dərəcə 13,47 faiz təşkil edib. Bu rəqəm 2012-ci il yanvarın 1-nə 14,53 faiz, 2011-ci il oktyabrın 1-nə isə 14,42 faiz olub.
Azad konvertasiya edilən valyutada korporativ müştərinin bank kreditləşməsi üzrə orta dərəcə 12,37 faiz təşkil edib.
Bu göstərici 2012-ci il yanvarın 1-nə 14,30 faiz, 2011-ci il oktyabrın 1-nə isə 13,91 faiz olub.
Oktyabrın 1-nə milli valyutada fiziki şəxsin bank kreditləşməsi üzrə orta dərəcə 18,48 faiz təşkil edib. Bu rəqəm 2012-ci il yanvarın 1-nə 19,06 faiz, 2011-ci il oktyabrın 1-nə isə 18,77 faiz olub.
Azad konvertasiya edilən valyutada fərdi müştərinin bank kreditləşməsi üzrə orta dərəcə 22,42 faiz təşkil edib. Bu rəqəm 2012-ci il yanvarın 1-nə 22,90 faiz, 2011-ci il oktyabrın 1-nə isə 22,62 faiz olub.