Azərbaycan, Bakı, 16 sentyabr /Trend, müxbir E.İsmayılov/
Cari ilin yanvar-iyul aylarında "İpək yolu" nəqliyyat dəhlizinin Azərbaycan ərazisində 34,1 milyon ton və ya əvvəlki ilin eyni dövrü ilə müqayisədə 3,4 faiz çox yük, 165,5 milyon nəfər və ya 9,5 faiz çox sərnişin daşınıb.
Dövlət Statistika Komitəsinin saytında yerləşdirilən məlumata görə, dəhlizdə daşınmış yüklərin 46,4 faizi avtomobil, 35,9 faizi dəmir yolu, 17,7 faizi dəniz nəqliyyatının payına düşüb,
Yükdaşımadan 265,6 milyon manat, sərnişindaşımadan isə 55,5 milyon manat gəlir əldə olunub və müvafiq olaraq 6,3 faiz və 17 faiz artıb.
