2006-cı ilin sonuna qədər Əzizbəyov dairəsindən Heydər Əliyev adına aeroporta qədər uzanan avtomobil yolunun genişləndirilməsi üzrə layihənin hazırlığı başa çatacaq. Trend in verdiyi xəbərə görə, bu barədə Nəqliyyat nazirliyinin maliyyə və kredit şöbəsinin sərmayə siyasəti sektorunun direktoru Mirqasım Abbasov jurnalistlərə verdiyi müsahibəsində bildirib.
Layihənin bir hissəsinin hazırlanması üçün Slovakiyanın "Doprostav" şirkəti cəlb olunub. Layihə 14 km uzunluğundakı yolun 4 zolaqlıdan 8 zolaqlıya qədər genişləndirilməsini nəzərdə tutur.
M.Abbasovun sözlərinə görə, tikinti işlərinin xeyli hissəsi dövlət hesabına maliyyələşəcək. Hazırda beynəlxalq maliyyə institutları ilə əlavə maliyyənin cəlb olunması üzrə danışıqlar aparılır.
