...

Azərbaycan, Gürcüstan və Türkiyə nəqliyyat nazirlərinin görüşü təxirə salınıb

Biznes və iqtisadiyyat xəbərləri Materials 16 İyun 2006 15:53 (UTC +04:00)

Azərbaycan Dövlət Dəmir Yolu (ADDY) idarəsindən Trend ə verilən məlumata əsasən, Qars-Axalkalaki-Tbilisi-Bakı dəmir yolu layihəsi çərçivəsində Azərbaycan, Gürcüstan və Türkiyə nəqliyyat nazirlərinin görüşü gələn həftəyə keçirilib. Bu görüş iyunda Tbilisidə təşkil olunmalı idi.

Azərbaycanın nəqliyyat naziri Ziya Məmmədovun "ANS" telekanalına bildirdiyinə görə, hazırda texniki-iqtisadi əsaslandırmanın bir neçə variantı nəzərdən keçirilir. Layihənin orta dəyəri təxminən $400 mln. təşkil edə bilər. Gürcüstan layihəyə dəyişikliklər etmək niyyətindədir ki, bu da onun bahalaşmasına gətirib çıxara bilər.

ADDY nümayəndəsinin sözlərinə görə, Gürcüstan öz dəmir yolunun müəyyən hissələrinin bərpasını təklif edir. Ehtimallara görə, nazirlər qarşıdakı görüşdə layihənin son variantını qəbul edərək onu hökumət başçılarına təqdim edəcək. Bundan əlavə, maliyyə mənbələrinə də baxılacaq . Z.Məmmədov Gürcüstanda maliyyə çətinlikləri yarandığı təqdirdə Bakının Tbilisinin payını maliyyələşdirəcəyini də istisna etməyib.

Nəqliyyat ekperstlərinin fikrincə, nəqliyyat nazirlərinin görüşünün yubanması Gürcüstan prezidenti Mixail Saakaşvilinin Moskvaya səfər etməsi, xüsusilə də, Abxaziya və Gürcüstan vasitəsilə Ermənistana dəmir yolunun çəkilməsi məsələsinin müzakirəsilə bağlı ola bilər. Bu layihə dəfələrlə müzakirə olunsa da, onun gerçəkləşdirilməsi Gürcüstan-Abxaziya münaqişəsi üzündən mümkün olmayıb. Beləliklə, Ermənistan yüklərin daşınacağı dəmir yolu marşrutu əldə edə bilər. Hazırda yüklər avtomobil yolları vasitəsilə daşınır. Dəmir yolu nəqliyyatı isə həm yük daşınmanın həcmini artıra, həm də onun ucuzlaşmasına gətirib çıxara bilər. Bu, yeganə nəqliyyat marşrutu olacaq, çünki Azərbaycan Qarabağ münaqişəsinin həllinədək Ermənistanla əməkdaşlıq etmək fikrində deyil.

İlk 3 ildə Bakı-Tbilisi-Axalkalaki-Qars marşrutu ilə daşınmaların həcmi 3-5 mln. tona qədər arta bilər. Gələcəkdə bu həcm 8 mln. tona çata bilər.

Bu marşrut ilə əsasən quru yüklər - metall, kömür, kükürd, rəncli metallar, qismən isə neft və neft məhsulları daşımaq ehtimal olunur. Marketinq araşdırmaları göstərir ki, hazırda Qara dəniz limanlarından yüklərin göndərilməsində problem var. Bu, xüsusilə bir yükün bir neçə nəqliyyat növülə daşınması ilə bağlı daşınmanın dəyərinin artmasından irəli gəlir. Dymir yolu ilə daşınma isə daha ucuz başa gəlir.

Hazırda Gürcüstan limanları bütün yüklərin göndərilməsini təmin edə bilmir. Gürcüstanın belə imkanları olsa idi, daşınma həcmi arta bilərdi. Buna görə Bakı-Tbilisi-Axalkalaki-Qars marşrutu ilə daşınacaq neft və neft məhsullarının həcmi Gürcüstan limanlarında yük daşınmanya təsir göstərməyəcək.

Xəbər lenti

Xəbər lenti