Trend agentliyinin məlumatına əsasən, Azərbaycan prezidenti yanında Qiymətli Kağızlar üzrə Dövlət Komitəsi və Qazaxıstanın Qiymətli Kağızlar Bazarlarının Nizamlanması üzrə Agentliyi yaxın vaxtlarda imzalanacaq "Əməkdaşlıq haqqında" memorandum hazırlayıb.
"Hazırda komitənin beynəlxalq əlaqələrin inkişafında əsas vəzifələrindən biri qonşu ölkələrin fond birjalarına inteqrasiyadır. Buna görə müvafiq saziş digər MDB və Baltikyani ölkələrlə də imzalanacaq" - deyə QKDK sədri Gündüz Məmmədov bu gün mətbuat konfransında bəyan edib.
Onun sözlərinə görə, MDB-nin Qiymətli Kağızlarla Əməliyyatların Nizailanması üzrə Şurasının iyulun 11-də keçirilmiş iclasında statistik və məxfi məlumatların mübadiləsi haqqında saziş hazırlanıb. Ehtimallara görə, imzalama mərasimi 2006-cı ilin sonuna qədər dövlətlərarası səviyyədə keçiriləcək.
