Azərbaycanın İqtisadi İnkişaf Nazirliyi Rusiyanın iqtisadi inkişaf və ticarət naziri German Qrefin oktyabrın 5-dən 6-na keçən gecə Bakıya gəlişini rəsmi surətdə təsdiq edib. İqtisadi İnkişaf Nazirliyindən Trend ə verilən məlumata görə, səfər birgünlük olacaq.
Səfər çərçivəsində Azərbaycanın İqtisadi İnkişaf Nazirliyi və Rusiyanın İqtisadi İnkişaf və Ticarət Nazirliyi (İİTN) arasında "Əməkdaşlıq haqqında" protokolun imzalanacağı ehtimal olunur.
Protokol ticarət, informasiya, qanunverici aktlar, normativ-hüquqi baza haqqında informasiya mübadiləsi sahəsində əməkdaşlığı əhatə edir.
Səfər zamanı G.Qrefin baş nazir Artur Rəsizadə, iqtisadi inkişaf naziri Heydər Babayev, həmçinin Azərbaycan-Rusiya İşgüzar əməkdaşlıq palalatası ilə görüşləri planlaşdırılıb.
