Azərbaycan Höküməti və Almaniya bankı KFW AzDRES İmişli elektrikötürmə xətlərinin tikintisi layihəsi üzrə kreditin şərtlərini yüngülləşdirməyə razılıq verib. Azərbaycan Maliyyə Nazirliyindən Trend -ə verilən məlumata görə, bankın ekspertləri ilə bu yaxınlarda baş tutmuş görüş zamanı onlar kreditin marj və komissiyaları hesaba alınmadan ayırmağa hazır olduqlarını bildiriblər.
Lakin kredit sazişində kredit 2 il güzəştli vaxt daxil olmaqla12 illik və libor (hazırda o 5,8% illikdir) üstəgəl idarəetmə üzrə xərclər və kreditin istifadə edilməyəcəyi hissəsi üçün komissiyalar da nəzərdə tutulurdu.
Layihənin maliyyələşdirilməsi üçün bank 30 milyon avro ayırıb ki, bununla layihənin dəyərinin 85%-i ödənilir.
Layihə AzDRES -dən İmişliyə kimi uzunluğu 195 km olan elektrik ötürmə xəttlərinin tikintisini nəzədə tutur. Eyni zamanda, Goranboy yarım stansiyasının tikintisi və 330kVt gücündə olan İmişli yarım stansiyasının elektrik ötürmə sahəsini genişləndirmək, bilavasitə ayrı özəyin yaradılması da planlaşdırılır.
Ötürücü xətlərin tikintisindən sonra ötürücü xətlərin gücü indiki 200 mV-dan 700mV-a kimi artacaq.