Azərbaycan,Bakı/müxbir Trend Ü.İsmayılova/Beynəlxalq Maliyyə Korporasiyası (IFC) fondun nəzdində Azərbaycan və Mərkəzi Asiyada (IFC PEP) lizinqə texniki yardım layihəsinin reallaşdırılmasını davam etdirir. Bu barədə bazar ertəsi IFC-nin Azərbaycandakı nümayəndəsi Aliyə Əzimova məlumat verib.
"Azərbaycanda və Mərkəzi Asiyada lizinq" layihəsi iki vacib komponenti əhatə edir - texniki dəstək və maliyyələşdirmə. Azərbaycanda lizinqin inkişafı Layihəsi Beynəlxalq Maliyyə Korporasiyası (IFC) İqtisadi əlaqələr üzrə İsveçrə Dövlət Katibliyinin (SECO) maliyyə dəstəyi ilə 2005-ci ilin avqustunda Azərbaycan, Qırğızıstan, Tacikistan və Özbəkistanda fəaliyyətə başlayıb.
Proqram IFC tərəfindən SECO-nun maliyyə dəstəyilə regionda həyata keçirilmiş lizinqin inkişafı üzrə layihələrin təcrübə və nailiyyətlərinə əsaslanır.
Layihənin məqsədi ölkələrdə lizinqin aşağıdakı yollarla inkişafının dəstəklənməsidir:
- Layihədə iştirak edən maliyyə idarələrinin möhkəmləndirilməsi;
- Layihədə iştirak edən idarələrin avtomatlaşdırılma sisteminin təkmilləşdirilməsi;
- Layihədə iştirak edən ölkələrdə lizinqin qanunvericilik bazasına lazımi dəyişikliklərin edilməsi.