...

SOCAR Qara dəniz limanında yanalmasız doldurulma sisteminin tikintisi çərçivəsində işlər aparır

Energetika Materials 10 Aprel 2009 15:11 (UTC +04:00)

Azərbaycan, Bakı, 10 fevral / Trend , müxbir E.İsmayılov /

"SOCAR (Azərbaycan Dövlət Neft Şirkəti) ona mənsub olan neft terminalının yerləşdiyi Gürcüstanın Qara dəniz Kulevi limanına daxil olmadan, böyük tankerlərin yanalmasız doldurulma sisteminin tikintisi layihəsi çərçivəsində sualtı kəşfiyyat işləri aparır", - terminaldakı durumla tanış olan mənbə məlumat verib.

"Hazırda layihə üzrə, o cümlədən bu sistemin yerləşməsinin öyrənilməsi üçün dərinləşdirmə işləri aparılır", - mənbə deyib.

Mənbə yanalma olmadan doldurulma sisteminin layihələndirmə və tikintisinin başlanılma vaxtını bildirməyib. "Hər şey normal gedərsə, tikinti işləri bu il başlaya bilər. Ancaq hazırda batmış (Ukrayna gəmisi "Skadovsk") gəminin çıxarılması və dəmir yollarının yenidən qurulması işləri əsasdır", - mənbə deyib.

Fırtına nəticəsində (6-7-ballıq fırtına) "Çernomortexflot" şirkətinə məxsus, limanda dərinləşdirmə işləri aparan "Skadovsk" gəmisi ötən ilin 30 sentyabrında saya oturub və dəlik alıb. Bundan sonra Ukraynadan gələn mütəxəssislər gəmini yedəkləməklə sudan çıxarmaq barədə qərar qəbul ediblər. Oktyabrın 3-də yedəkləmə işləri zamanı "Skadovsk" çevrilib. Hazırda terminal müstəqil şəkildə gəminin çıxarılması ilə məşğul olur.

Bununla yanaşı, terminal Çaladidi Kolxeti stansiyaları arasında əlavə dəmir yolu xəttinin tikintisini aparır. Dəmir yollarının tikintisi və yenidən qurulması üzrə aparılan işlər bu istiqamətdə hərəkət edən qatarların hərəkətinin yüngülləşdirilməsi və boşaldıb-yükləmənin artırılması üçün lazımdır.

Bir müddət əvvəl SOCAR-dan xəbər verilmişdi ki, həmin Qara dəniz neft terminalından 2009-cu ildə təxminən 8-10 milyon ton neftin doldurulub-boşaldılması planlaşdırılır.

SOCAR-ın bu terminala qoyduğu sərmayənin ümumi həcmi 340 milyon dollar təşkil edir.

Terminalın ümumi gücü ildə 10 milyon ton neftdaşıma yükü təşkil edir ki, bura üç milyon ton neft, üç milyon ton dizel və dörd milyon ton mazut daxildir. O, eyni vaxtda 168 sistern-vaqon qəbul edə bilər. Rezervuar parkının ümumi həcmi 320 min kubmetrdir. İki il ərzində terminalın buraxılış gücünü 15-20 milyon tona qədər artırmaq planlaşdırılır.

Məqalə müəllifi ilə əlaqə ünvanı: [email protected]

Xəbər lenti

Xəbər lenti