Azərbaycan, Bakı, 13 may / Trend , müxbir A.Bədəlova /
ABŞ-ın Dövlət Enerji İnformasiyaları İdarəsi (EIA) 2010-cu ildə Amerikanın WTI markalı yüngül neftinin orta qiymətini bir barelə görə 58 dollar səviyyəsində proqnozlaşdırır. 2009-cu ildə WTI-nin orta qiyməti, EIA-nın proqnozlarına əsasən, bir barel üçün 52 dollar təşkil edəcək. Bu göstəricilər EIA-nın ötən aykı proqnozlarından bir barel üçün müvafiq olaraq beş və bir dollar azdır.
2009-cu ilin ikinci yarısında WTI-nin orta qiyməti, EIA-nın proqnozlarına görə, bir barel üçün 55 dollar təşkil edəcək.
Lakin EIA-nın may məruzəsində bildirilir ki, dünya iqtisadiyyatının bərpa olunması və OPEK-ə daxil olmayan ölkələrin aşağı neft hasilatı həcmləri gözləmələrə nisbətdə neftin dünya qiymətlərinin tez və əhəmiyyətli dərəcədə artmasına səbəb ola bilər.
EIA 2009-2010-cu illərin sonlarında dünya iqtisadiyyatının bərpa əlamətlərinin ortaya çıxacağını gözləyir. Məruzədə bildirilir ki, dünya iqtisadiyyatının artım tempinin sabitləşməsi isə yaxın aylarda başlayacaq.
Mayın 12-də dünya bazarlarında neftin qiyməti gün ərzində yarım il ərzində ilk dəfə olaraq bir barel üçün 60 dollar göstəricisini ötdü. Qiymətlərin artmasına təkan Amerika dollarının avroya nisbətdə zəifləməsi, həmçinin Qətərdə neft idxalının əhəmiyyətli dərəcədə artması xəbəri olub. Nyu-York Əmtəə Birjasında (NYMEX) alqı-satqının yekunu üzrə iyunda tədarük ilə WTI üzrə fyuçers müqaviləsinin qiyməti 0,35 dollar artaraq bir barel üçün 58,85 dollar təşkil edib.
Dövlət Enerji İnformasiyaları İdarəsi 1977-ci ildə Konqres tərəfindən yaradılan ABŞ-ın Enerji Departamentinin statistika agentliyidir
Məqalə müəllifi ilə əlaqə ünvanı: [email protected]
