Azərbaycan, Bakı, 24 iyul / Trend , müxbir E.İsmayılov /
2009-cu ilin yekununa görə, Azərbaycan Dövlət Neft Fondunun aktivləri 1-1,5 milyard dollar artacaq. Bu barədə cümə günü mətbuat konfransında fondun icraçı direktoru Şahmar Mövsümov deyib.
"Əgər bu ilə planlaşdırdığımız xərclər reallaşsa, o zaman fondun aktivləri 1-1,5 milyard dollar arta bilər", - Mövsümov deyib.
Onun sözlərinə görə, bu günə olan məlumatlara görə, Dövlət Neft Fondunun aktivləri 12 milyard 187 milyon dollar təşkil edir. ADNF-in vəsaitinin hazırda 53,77 faizi dollar, 40,71 faizi avro, 5,52 faizi isə funtladır.
ADNF-in investisiya portfelinin aktivlərinin 43,29 faizi beynəlxalq agentlik və təşkilatlardan, 14,02 faizi maliyyə səhmlərindən, 35,73 faizi isə suveren və borc kağızlarından ibarətdir.
Məqalə müəllifi ilə əlaqə ünvanı: [email protected]
