Azərbaycan, Bakı, 21 yanvar / Trend /
Azərbaycana 2009-cu ilin yanvar-noyabr aylarında quru və dəniz yataqlarında əməliyyatların aparılması üçün 134,7 min ton müxtəlif metal borular idxal olunub ki, bu da 2008-ci ilin analoji dövr göstəricisindən 32,5 faiz azdır.
Dövlət Statistika Komitəsindən bildirilib ki, göstərilən dövr ərzində 227,3 milyon dollardan çox boru idxal edilib. Bu, 2008-ci ilin analoji dövründəki göstəricidən 14,4 faiz azdır.
Quru və dəniz yatqlarında əməliyyatlar ARDNŞ tərəfindən həyata keçirilir. Şirkət net-qaz yataqlarında sərbəst və xarici şirkətlərlə birgə işlər həyata keçirir.
Azərbaycanda 59 neft-qaz yatağı var. Bunlardan 18-i dənizdə, qalanları isə quruda yerləşir.
