Azərbaycan, Bakı, 16 oktyabr /Trend/
Azərbaycan Dövlət Neft Fondu PSA müqaviləsi çərçivəsində çalışan xarici neft şirkətləri tərəfindən Fonda verilən aktivlərin satışını elan edib. Bu barədə şənbə günü Fondun "Xalq" qəzetində dərc olunan məlumatında deyilir.
Satışa çıxarılan aktivlər sırasında qaynaq avadanlıqları, müxtəlif ölçülü boru və elektrik kabelləri, neft-qaz quyularının qazılması üçün müxtəlif çeşidli elementlər, ehtiyat hissələri və s. daxildir.
Aktivlərin alınması ilə maraqlananlar cari ilin 27 oktyabr tarixinə qədər Fondun aktivlərlə iş üzrə şöbəsinin müdiri Emin Qasımova müraciət edə bilərlər.
Əlaqə telefonları: 498-77-53 və 498-77-53 (daxili 172).