Azərbaycan, Bakı, 14 yanvar /Trend, müxbir E.İsmayılov/
Energetika Nazirliyinin Dövlət Qaz Nəzarəti İdarəsi 2013-cü ildə 1358 obyektdə qazdan və qaz təsərrüfatından istifadə qayda və şərtlərinin pozulmasını aşkar edib. Bunu çərşənbə axşamı Trend-ə İdarədəki mənbə deyib.
Onun sözlərinə görə, ötən il İdarə 3063 yoxlama aparıb: "Aşkar edilən qanun pozuntularının ümumi sayından 1288-nə dair göstəriş və xəbərdarlıq edilib. İnzibati qaydada 281 işə baxılıb. Nəticədə müxtəlif hüquqi, fiziki və vəzifəli şəxslər 20,3 min mant dəyərində cərimələnib".