Azərbaycan, Bakı, 26 dekabr /Trend/
N.Nərimanov adına NQÇİ-nin istismar etdiyi 144 saylı estakadayanı meydançada əsaslı təmir işləri vaxtında və keyfiyyətlə başa çatdırılıb.
Trend ARDNŞ-yə istinadən məlumat verir ki, "Neftqaztikinti" Tresti tərəfindən "Azneft" İB-nin sifarişi əsasında həyata keçirilən əsaslı təmir işləri çərçivəsində 32 ədəd möhkəmləndirici svay vurulub, 6 ədəd metal lövhə, 6 ədəd KMR tipli rigel və 24 ədəd PKP tipli dəmir-beton tava quraşdırılıb.
Meydançanın bu ilin sonunadək istismara təhvil verilməsi planlaşdırılır.
Qeyd edək ki, əsaslı təmir işlərinə 2014-cü ilin yanvar ayından başlanılıb.