Bakı. Trend:
Xəzər dənizi regionu enerji ehtiyatları tədarükünün təhlükəsizliyinin təmin olunmasında böyük rol oynayır.
Trend-in məlumatına görə, bunu bp şirkətinin Azərbaycan, Gürcüstan və Türkiyə üzrə regional prezidenti Qeri Cons Bakıda keçirilən 27-ci Enerji Forumunda deyib.
O qeyd edib ki, neft-qaz ehtiyatlarına hələ onilliklər boyunca tələbat olacaq. Bundan başqa, bu gün "təmiz" enerjiyə tələbat var, layihələr reallaşdırılır və investisiyalar qoyulur.
Q.Cons əlavə edib ki, "Azəri-Çıraq-Günəşli" yatağında ACE platformasının istismara verilməsi planlaşdırılır.
"Neft-qaz ehtiyatlarının maksimal hasilat həcminin əldə olunması üçün müasir texnologiyalar tətbiq olunur. Bu platformada müasir texnologiyalar zərərli tullantıların, xüsusilə metanolun həcmini azaltmağa imkan verəcək", - deyə o bildirib.
(Tərcümə: Orxan Nəbiyev)