Noyabrın 29-da "Kürsənği-Qarabağ" quru yatağında işləri həyata keçirən Salyan Oil şirkətinin İdarə komitəsinin iclası gözlənilir ki, burada gələn ilin işlərini həyata keçirmək üçün büdcə müzakirə olunacaq. Bu haqda Trend -ə şirkətdən məlumat veriblər.
Əvvəllər Azərbaycan Dövlət Neft Şirkəti və Salyan Oilun nümayəndələri texniki komitənin iclasını keçirib. Bu görüşdə gələn il görüləcək işlərin planı müzakirə olunub. İlkin qərarlara müvafiq olaraq əməliyyat şirkəti gələn il 6 quyu qazacaq. ARDNŞ-də qeyd ediblər ki, hazırda onların hamısının istismar quyusu olacağı ehtimal olunur, lakin gələcəkdə suvurma quyularının qazılması haqqında qərar da qəbul oluna bilər.
Ehtimal olunur ki, 2006-cı ildə müqavilə sahəsində 8 quyu qazılacaq. 4 quyu istismar quyusu, iki quyu laylardan su vurulması, biri kəşfiyyat və biri qiymətləndirici olması planlaşdırılır. Nəzərdə tutulan investisiyaların həcmi təxminən 50 milyon dollar təşkil edəcək. Qazıntı işləri Çinin qazma üzrə podratçısı Great Wall tərəfindən həyata keçiriləcək.
