Hazırda Azərbaycan Dövlət Neft şirkətinin sutkalıq qaz hasilatı 15,6 mln. kub metrdir. Bu göstərici bu ilin əvvəlinə nisbətən 43% çoxdur. Trend in verdiyi xəbərə görə, bu barədə "Azneft" istehsalat Birliyinin baş direktoru Şahin İsmayılov məlumat verib. Bu həcmin 10,5 mln kubu "Günəşli" yatağındandır.
Qaz hasilatının artırılması üçün tədbirlər sırası keçirilib. Əsasən, "Günəşli-4" platformasından "Neft daşları" yatağınadək 300 millimetrlik qaz borusu çəkilib ki, bu da yüksək təzyiqli 2,5 mln. kub metr qaz nəql etmək imkanı yaradıb.
Bundan əlavə, 9 quyuda aparılmış geoloji-texniki tədbirlər nəticəsində onlarda orta sutkalıq hasilat 0,5 mln kub metrdən 3 mln kub metrə qədər artıb. Dövlət Neft Şirkəti tərəfindən hazırlanmış proqrama görə, "Günəşli" yatağında 2010-cu ilədək 21 quyu qazılacaq. Əsasən, №11-in və №19-un əsaslı genişlənməsi və onlarda yüksəkdebitli quyuların qazılması nəzərdə tutulur. Bütün bu tədbirlər 2010-cu ilədək "Günəşli" yatağından qaz hasilatını əhəmiyyətli şəkildə artıracaq.