Bakı. Trend:
Azərbaycan Banklar Assosiasiyası (ABA) ilə Beynəlxalq Maliyyə Korporasiyası (IFC) arasında əməkdaşlıq sazişi imzalanıb.
Trend çərşənbə günü xəbər verir ki, sənədi ABA-nın icraçı direktoru Yunus Abdulov və IFC-nin Cənubi Qafqaz üzrə regional meneceri İvana Fernandes Duarte imzalayıb.
Sənəd ekoloji, sosial və korporativ idarəetmə, həmçinin Azərbaycanda maliyyə dayanıqlılığının təmin olunması sahəsində əməkdaşlığı əhatə edir.
Qeyd edək ki, iyunun 13-də həmçinin Azərbaycan Banklar Assosiasiyası ilə Türkiyənin İştirakçı Banklar Birliyi arasında Anlaşma Memorandumu imzalanıb. Bu əməkdaşlıq çərçivəsində tərəflər birgə tədbirlərin təşkilinə, həmçinin maliyyə sektorunun inkişafına yönəliblər.
(Tərcümə: Rəna Əbdürəhmanova)
