Azərbaycan, Bakı, 21 aprel / Trend , müxbir S.Babayeva /
Mayın sonu-iyulun əvvəlində Bakıda təcili pul köçürmələri sisteminin və digər poçt-maliyyə xidmətlərinin inkişafı üzrə regional konfrans keçiriləcək. Bu barədə Azərbaycan Rabitə və İnformasiya Texnologiyaları Nazirliyindən bildiriblər.
"Hazırda Azərbaycan poçt şəbəkəsində maliyyə xidmətlərinin tətbiqi layihəsi həyata keçirildiyindən belə bir konfransın Bakıda keçirilməsi məqsədəuyğun sayılıb", - nazirlikdən bildirilib.
Konfrans Dünya Poçt İttifaqı (DPİ), Rabitə Sahəsində Regional Birlik (RSRB) və Azərbaycan Rabitə Administrasiyası tərəfindən təşkil ediləcək.
Konfransda RSRB-yə üzv olan ölkələrin nümayəndələri, STEFI və EUROGIRO ölkələrinin beynəlxalq təşkilatların poçt-maliyyə sferasında ixtisaslaşan bir sıra səlahiyyətli şəxsləri iştirak edəcək.
Hazırda konfransın dəqiq vaxtı və gündəliyi müzakirə edilir.
Məqalə müəllifi ilə əlaqə ünvanı: [email protected]
