Azərbaycan, Bakı, 01 may / Trend , müxbir S.Babayeva /
"Azərbaycan Rabitə və İnformasiya Texnologiyaları Nazirliyinin "Baktelekom" İstehsalat Birliyi cari ilin birinci rübündə əhaliyə 5632 min manat həcmində xidmət göstərib ki, bu da ötən ilin analoji dövr göstəricisindən 11% çoxdur", - nazirlikdən bildiriblər.
Hesabat dövrü ərzində müəssisənin gəlirləri 10416 min manat təşkil edib, 2008-ci ilin birinci rübü ilə müqayisədə 10,5% və yaxud bir milyon manat artıb. İnvestisiyalar 1768 min manat, dövlət büdcəsi və Dövlət Sosial Müdafiəsi Fonduna ödənişlər iki milyon manatı üstələyib.
Bu dövr ərzində "Baktelekom" tərəfindən 8845 telefon nömrəsi istifadəyə verilib.
ADSL istifadəçilərinin sayı 1685 nəfər artaraq 8025 nəfər təşkil edib.
Mayın 1-nə olan rəsmi məzənnə 0,8034 AZN/USD təşkil edir.
Məqalə müəllifi ilə əlaqə ünvanı: [email protected]
