Azərbaycan, Bakı, 2 fevral / Trend , müxbir H.Vəliyev/
Azərbaycanın mobil rabitə operatoru Azercell Telecom MMC "MobilMail" mobil elektron məktub xidmətini dayandırır. Bu barədə şirkətin məlumatında bildirilir.
Mobil qurğuda "MobilMail" elektron məktub işləmə xidməti ilk dəfə olaraq 2007-ci ilin avqustunda şirkət tərəfindən təqdim edilib. Xidmətin əsas ideyası adi istifadəçi üçün servise qoşulma prosesinin asanlaşdırılması və məktubların konkret mobil telefon imkanlarına maksimum uyğunlaşdırılmasından ibarətdir.
İstifadəçi seqmentindən asılı olaraq, xidmətin iki versiyası mövcud idi: Azercell-in bütün korporativ abunəçiləri üçün "MobilMail Korporativ" və Azercell şəbəkəsinin bütün abunəçiləri üçün "Azercell MobilMail".
Bu xidmətlər poçt serveri ilə əlaqəni təmin edir və real vaxt rejimində tam şəkildə onları mobil telefona çatdırırdılar.
"MobilMail Korporativ" korporativ elektron poçt vasitəsilə elektron mesajların mübadiləsi imkanlarını təqdim edirdi, "Azercell MobilMail" isə pulsuz mail agentlərindən (gmail.com, mail.az, mail.ru, yandex.ru, rambler.ru və.s) istifadə etməyə imkan verirdi.
Məqalə müəllifi ilə əlaqə ünvanı: [email protected]