Azərbaycan, Bakı, 29 sentyabr/ Trend, müxbir H.Vəliyev/
Azərbaycanın Rabitə və İnformasiya Texnologiyaları Nazirliyinin "Aztelekom" İstehsalat Birliyi Ağdam Telekommunikasiya Qovşağında (TKQ) göstərilən rabitə və multimedia xidmətlərinin keyfiyyətini artırır. Trend-in məlumatına görə, bu barədə cümə axşamı nazirliyin məlumatında deyilir.
Məlumatda qeyd edilir ki, bu məqsədlə internet və digər multimedia xidmətlərindən yetərincə istifadə etməsi üçün yeddi kəndin ərazisindən keçən optik-lif naqilin çəkilməsi üzrə işlər tamamlanıb. Naqilin ümumi uzunluğu 13,5 kilometrdir.
Bununla yanaşı, operator Ağdam TKQ-nın telefon şəbəkəsinin nömrə tutumu artırılıb. Hazırda Ağdam rayonunun 9 kəndinin telefonlaşdırılması üzrə genişmiqyaslı işlər aparılır.