Azərbaycan Rabitə və İnformasiya Texnologiyaları Nazirliyi - "Aztelekom" İB və Bakı Telefon Rabitəsinin (BTRIB) CDMA (Code Division Multiples Access) şəbəkəsi ölkə əhalisinin 45 faizini əhatə edir. Rabitə Nazirliyinə istinadən bu barədə Trend xəbər verir. Bu gün "Aztelekom" üzrə onalrın sayı 1,6 min nəfəri keçib.
Bu gün müəssisə CDMA xidmətləri Sumqayıt, Gəncə. Abşeron, Şamaxı, Şəmkir, Mingəçevir, Quba, Xaçmaz, Lənkəran, Masallı, İmişli və Zaqatalada həyata keçirir.
BTRIB İB üzrə say isə 4,4 min nəfəri keçib. 2006-cı ildə İB tərəfindən 2005-ci ildə quraşdırılmış 5 min nömrə tutumlu stansiyanın 89%-i istismara verilib. Bundan başqa, şəbəkənin əhatə dairəsinin genişləndirilməsi və nömrə tutumunu 10 min həddə çatdırmaq məqsədilə istismara 9 baza stansiya verilib. Beləliklə, CDMA baza stansiyalarının sayı 14-ə çatıb.
CDMA (Code Division Multiple Access) - rəqəmli naqilsiz texnologiyadır. CDMA söhbəti rəqəmli informasiyaya çevirir, sonra həmin informasiya naqilsiz şəbəkə ilə radiosiqnal kimi ötürülür. İlk dəfə kommersiya məhsulu kimi 1995-ci ildə təqdim edilib. CDMA dünya üzrə ən sürətlə yayılan naqlsiz texnologiyalardan biridir. 1999-cu ildə Beynəlxalq Telekommunikasiya İttifaqı (International Telecommunications Union) CDMA-nı "üçüncü nəsil" (3G) yeni naqilsiz sistemlər üçün sənaye standartı qismində qəbul edib.