Azərbaycan, Bakı, 19 aprel /Trend/
Polisin Bostonda keçirilən marafonda törədilən terror aktına görə şübhəli qismində bir müddət əvvəl saxladığı şəxs ölüb. Bu barədə Trend cümə günü "RİA Novosti"yə istinadən məlumat verir.
Onun ölüm səbəbi açıqlanmır.
Qeyd edək ki, daha əvvəl verilən məlumata görə, ABŞ polisi Bostondakı terror aktlarına görə şübhəli bilinən şəxslərdən birini saxlayıb. Polis nümayəndələri hələlik bu məlumatı təsdiq etməyib.