Azərbaycan, Bakı, 16 fevral /Trend, müxbir Yelena Kosolapova/
Qazaxıstanın hakim Nur Otan Partiyası Xalq Assambleyası Şurasının növbədənkənar prezident seçkiləri ilə bağlı təklifini dəstəkləyir. Trend xəbər verir ki, bu barədə partiyanın mətbuat xidməti məlumat yayıb.
Məlumatda deyilir: "Fevralın 14-də Qazaxıstan Xalq Assambleyası Şurası 2015-ci ildə növbədənkənar prezident seçkilərinin keçirilməsi barədə təşəbbüs irəli sürüb. Nur Otan Partiyası ölkənin aparıcı siyasi gücü kimi sözügedən təşəbbüsü tamamilə dəstəkləyir".
Məlumatda qeyd olunur ki, bu gün dünyada maliyyə-iqtisadi böhranın yeni dalğası yayılır. Vəziyyət ciddi geosiyasi gərginliyi şiddətləndirir. Bu fonda hətta dünyanın ən inkişaf etmiş ölkələrində belə ksenofobiya, dini dözümsüzlük artır, radikal hərəkatlar güclənir.