Azərbaycan, Bakı, 10 avqust /Trend/
Türkiyənin İstanbul şəhərindəki ABŞ konsulluğunun binasına naməlum şəxslər tərəfindən silahlı hücum olub.
Trend-in Türkiyənin "Milliyet" qəzetinə istinadən verdiyi məlumata əsasən, hücum edənlərdən biri kişi, digəri qadın olub.
Hücum edənlərdən biri baş konsulluğun binasının yerləşdiyi İstinye rayonundakı evlərdən birində yaralı olaraq ələ keçirilib.
Bölgədə geniş miqyaslı əməliyyat keçirilib. Ərazidə çoxlu sayda təcili yardım maşınlarının olduğu bildirilir.
Hadisədən sonra konsulluğun binasında bomba axtarışı ilə bağlı əməliyyat keçirilib.