Bakı. Rufiz Hafizoğlu - Trend:
Türkiyə Rusiya ilə əlaqələri kəskinləşdirmək niyyətində deyil.
Trend-in "TRT Haber" telekanalına istinadən verdiyi məlumata görə, bunu Türkiyə Prezidenti Rəcəb Tayyib Ərdoğan deyib.
Prezident qeyd edib ki, Türkiyə HHQ-nin son insidentədək ölkənin hava məkanını pozan Rusiya təyyarələrini vurmaması Ankaranın uzun müddət səbr etdiyinin bariz nümunəsidir: "Vurulmuş qırıcının Rusiyaya məxsus olmasını bu ölkənin rəsmi şəxslərindən öyrəndik. Türkiyə HHQ qırıcını vurmazdan əvvəl 10 dəfə müvafiq xəbərdarlıq edib".
Onun fikrincə, Rusiya HKQ-nin Suriyada hərbi əməliyyatlar apardığı rayonlarda "İslam dövləti" terror təşkilatının silahlıları yoxdur.