Bakı. Trend:
Gecə saatlarında Qazaxıstanın Jambıl vilayətinin Korday rayonunda sakinlər arasında kütləvi dava baş verib.
Trend-in məlumatına görə, toqquşma nəticəsində 8 nəfər həlak olub, 40 nəfər isə xəsarət alıb.
Hadisə zamanı onlarla ev yandırılıb.
Polis 50-yə yaxın şəxsi saxlayıb. Qeyd olunur ki, münaqişə məişət zəminində başlayıb.
Ölkə prezidenti Kasım-Jomart Tokayev Baş prokurorluğa insidentin araşdırılması ilə bağlı tapşırıq verib.