Bakı.Trend:
Rusiya ordusuna aid dron Ukraynanın Çernobil Atom elektrik stansiyasının sıradan çıxmış reaktorunun radiasiya sığınacağına (radiasiyanı izolasiya edən qoruyucu örtük) düşüb.
Trend xəbər verir ki, bu barədə xarici KİV-lər məlumat yayıb.
Məlumata görə, zərbədən sonra dördüncü blokun sığınacağında yanğın baş versə də, Beynəlxalq Atom enerji Agentliyinin AES-də olan əməkdaşlarının müdaxiləsindən sonra alovu söndürmək mümkün olub.
Faktı Beynəlxalq Atom Enerji Agentliyi də təsdiqləyib. Agentlik Çernobılın daxilindən və kənarında radiasiya səviyyələrinin normal və stabil olduğunu bildirib.