Bakı. Trend:
ABŞ prezidenti Donald Tramp “Obamadan fərqli olaraq” İrana heç bir təklif irəli sürmədiyini və Amerikanın hərbi hava qüvvələrinin İranın nüvə obyektlərini bombardman etməsindən bəri rəsmi Tehranın nümayəndələri ilə danışmadığını bildirib.
Trend xəbər verir ki, bu barədə Ağ Ev rəhbəri öz "Truth Social" sosial şəbəkə hesabında yazıb.
“Mən İrana heç nə təklif etmirəm – Obamadan fərqli olaraq... onların (İranın -red.) nüvə obyektlərini tam məhv etməyimizdən bəri onlarla heç danışmıram”,- amerikalı lider yazıb.
Onun sözlərinə görə, İran nüvə sazişi - Birgə Hərtərəfli Fəaliyyət Planı (JCPOA) çərçivəsində Birləşmiş Ştatlar hökumətindən milyardlarla dollar əldə edib.