Bakı. Trend:
Madaqaskar Fəlakətlərin İdarə Edilməsi İdarəsi bazar ertəsi günü bildirib ki, ötən həftə adanı cənginə alan “Gezani” siklonu nəticəsində azı 59 nəfər ölüb.
Trend bu barədə xarici KİV-lərə istinadən xəbər verir.
Məlumata görə, siklonun gətirdiyi qasırğa 16.428 nəfəri evsiz qoyub, 15 nəfər itkin düşüb, 804 nəfər yaralanıb və 423.986 nəfər təbii fəlakətdən zərər çəkib.
Birləşmiş Millətlər Təşkilatının humanitar ofisinin məlumatına görə, “Gezani” digər şiddətli “Fytia” tropik siklonunun 14 nəfərin ölümünə və 31.000-dən çox insanın evini tərk etməsinə səbəb olmasından cəmi 10 gün sonra ölkəni bürüyüb.
Meteorologiya xidmətinin açıqlamasında bildirilir ki, siklon Mozambik kanalından qərbə doğru hərəkət edərək adanın cənub ucunda 10 metrə qədər güclü dalğalar gətirib.