Azərbaycan, Bakı, 25 iyun /Trend, müxbir Maksi Tsurkov/
I Avropa Oyunlarında iştirak etmək istənilən idmançı üçün fantastik təcrübədir. Bunu Trend-ə estoniyalı badmintoçu Kati Tolmoff deyib.
Onun sözlərinə əsasən, Oyunlar badmintonun inkişafı üçün önəmlidir: "Badmintonun Oyunların proqramına daxil edilməsi onun Avropa və dünyada inkişafı üçün vacibdir".
İdmançı qeyd edib ki, Azərbaycana ilk dəfədir gəlir: "Bakı çox xoşuma gəldi. Atletlər kəndində idmançılar üçün yaxşı şərait yaradılıb".