...

Bakıda bağban həkim və arvadını öldürdü, indi isə...

Gündəm Materials 2 İyul 2019 19:39 (UTC +04:00)
Bakı Apelyasiya Məhkəməsi iki nəfəri qətlə yetirməkdə təqsirli bilinən İlqar Xancanovun Bakı Ağır Cinayətlər Məhkəməsinin hökmündən verdiyi apellyasiya şikayətinə baxılıb.
Bakıda bağban həkim və arvadını öldürdü, indi isə...

Bakı. Samir Əli - Trend:

Bakı Apelyasiya Məhkəməsində iki nəfəri qətlə yetirməkdə təqsirli bilinən İlqar Xancanovun Bakı Ağır Cinayətlər Məhkəməsinin hökmündən verdiyi apellyasiya şikayətinə baxılıb.

Trend-in məlumatına görə, hakim Elmar Rəhimovun sədrliyi ilə keçirilən prosesdə şikayət araşdırılsa da təmin edilməyib.

Birinci instansiya məhkəməsinin hökmü qüvvədə saxlanıb.

İttihama görə, ötən ilin iyul ayında Bakı şəhəri, Xəzər rayonu, Mərdəkan qəsəbəsində 1968-ci il təvəllüdlü İ.Xancanov bağban işlədiyi bağ evinin sahibi, Arzu Şuşalını və həyat yoldaşı Dilarə Əhmədovanı bıçaqlayıb. Qadın aldığı xəsarətlərdən hadisə yerində vəfat edib.

Tanınmış həkim A.Şuşalı xəstəxanaya çatdırılsa da onun həyatını xilas etmək mümkün olmayıb.

Bakı Ağır Cinayətlər Məhkəməsinin hökmü ilə İ.Xancanov ömürlük azadlıqdan məhrum edilib.

Məqalədə:
Xəbər lenti

Xəbər lenti